Er ekki komin tími á nýtt innlit á vinnustofurnar? Velkomin í heimsókn í trésmiðjuna okkar 🙂 Trésmiðjan er staðsett á Litla Hrauni og þar starfa um fjórir einstaklingar að staðaldri. Vinnutíminn er frá 08:30-11:30 og 12:30-14:45 alla virkar daga. Verkefnin eru margvísleg en þar má helst nefna ýmiskonar viðhald fyrir fangelsin ásamt því að smíða vörur fyrir Fangaverk. Til dæmis koma Fuglahúsin, bekkirnir, áningaborðin og brettin beint frá trésmiðjunni. Einnig koma önnur verkefni inn td. fyrir skógræktina en þessa dagana er einmitt verið að klippa niður aspar stikklinga. Forsendur þeirra sem mæta í trésmiðjuna geta verið misjafnar, sumir koma og starfa í trésmiðjunni á meðan aðrir eru í virkni og eru þá aðalega að smíða fyrir sjálfan sig. Sl. haust var svo byrjað að kenna trésmíði á Litla hrauni í samstarfi við FSU og fer sú kennsla fram einu sinni í viku. Námið hefur farið virkilega vel af stað og verður gaman að fylgjast áfram með því. Við þökkum Jóni Inga verkstjóra innilega fyrir að taka á móti okkur Gleðilega páska🐣

Í tilefni af því að í dag er eitt ár síðan við opnuðum netverslunina okkar, Fangaverk.is langar okkur að bjóða ykkur uppá innlit í máli og myndum í járnsmiðjuna okkar 🎈 Járnsmiðjan staðsett á Litla Hrauni en þar eru verkefnin fjölbreytt, þessa dagana er t.d verið að smíða hliðarramma úr rörum fyrir hestagerði. Einnig má nefna verkefni eins og kertastjakana vinsælu og járnbakkanna ofl sem er i sölu hjá okkur, Matarstand fyrir hunda, skógrindur og enn fleira spennandi á leiðinni. Þá hafa þau verið að taka að sér að gera við kerrur og jafnvel einfaldar viðgerðir á landbúnarðartækjum. Ásamt því að sinna ýmisskonar viðhaldi fyrir fangelsin. Þar sem plássið í járnsmiðjunni er gott er tilvalið að nýta hana einnig undir önnur verkefni en þar hefur einnig verið unnið fyrir Vegagerðina þar sem er verið að þrífa upp stikur og setja ný glitmerki. Setja límmiða á brúsa og flokka og stafla mjólkurbökkum svo dæmi séu nefnd. Verkefnum er tekið með opnum hug og má endilega senda línu ef þú hefur einhver verkefni sem vantar aðstoð við. Við spurðum strákana hvað þeim þótti um starfið og svarið var að þeim þyki andrúmsloftið gott, þetta stytti daginn og haldi þeim í rútínu. Þeir öðlist heilmikla reynslu sem þeir geta nýtt sér eftir að afplánun líkur. Við þökkum Guðmundi Friðmari verkstjóra fyrir að taka á móti okkur 👏🏻