HÓLMSHEIÐI
Fangelsið Hólmsheiði var formlega opnað 10. júní 2016. Fangelsið er gæsluvarðhalds- og móttökufangelsi með deild fyrir kvenfanga og aðstöðu fyrir afplánun styttri fangelsisrefsinga og vararefsinga. Í fangelsinu eru 56 fangapláss á 8 deildum sem skiptast í almennar deildir, gæsluvarðhaldsdeildir og kvennadeildir. Hægt er að skipta deildum upp eftir þörfum. Mjög góð aðstaða er í fangelsinu fyrir útivist fanga, líkamsrækt og tómstundastarfsemi.
Nánari upplýsingar er að finna hér
LITLA HRAUN
Fangelsið Litla-Hrauni var stofnað 8. mars 1929 og hefur starfað samfellt síðan. Fangelsið er lokað fangelsi með 9 deildir sem rúma allt að 87 karlfanga. Þar starfa, fangaverðir sem sinna almennri fangavörslu og verkstjórn, auk skrifstofufólks, meðferðarfulltrúa, starfsmanna í eldhúsi og verslun.
Ein fangadeildin er rekin sem sérstök meðferðardeild þar sem fer fram vímuefnameðferð undir umsjón meðferðarfulltrúa og sálfræðinga. Í fangelsinu eru 6 vinnustaðir fyrir fanga sem sinna fjölbreyttum verkefnum
Nánari upplýsingar er að finna hér
KVÍABRYGGJA
Fangelsið er staðsett á jörðinni Kvíabryggju á Snæfellsnesi og hefur verið starfrækt frá árinu 1963. Frá árinu 1955 var rekið þar vinnuhæli fyrir feður sem skulduðu barnameðlög. Á árinu 2007 var byggt við fangelsið og nú er hægt að hýsa þar 23 fanga. Fangelsið er skilgreint sem opið fangelsi, þar eru hvorki rimlar fyrir gluggum né heldur er svæðið öðru vísi afgirt en venjuleg sveitabýli. Í fangelsinu er rúmgóð setustofa, eldhús, borðstofa og góður æfingasalur. Fangar sjá um matseld. Góð aðstaða er til vinnu og líkamsræktar.
Nánari upplýsingar er að finna hér